2.1   Emosionele oorsake van depressie   

 

Depressie kan beskryf word as woede wat na binne gerig is, of depressie is opgekropte of onderdrukte woede.  Die onderdrukte woede het dan tot gevolg dat al die optimisme verdwyn.  Verder veroorsaak vrees ook depressie, vanweë die hoë emosionele eis daarvan – bv wanneer die toekoms nie opgewonde ingewag word nie, maar gevrees word.  Of wanneer voortdurende emosionele skuld ervaar word, kan dit lei tot depressie.

 

Daar is ook die gedagte van bitterheid  wat ook ‘n emosionele oorsaak van depressie kan wees.  Die voortdurende onderdrukte emosies kan dan later lei tot depressie.  Die basis van die bitterheid is ‘n voortdurende onvergenoegdheid oor omstandighede, agv onverwerkte konflikte met ouers; of ook interpersoonlike konflik, wat spruit uit onverwerkte seer en emosionele bagasie; of intense op-en-af-emosies wat ook kom uit onverwerkte emosionele pyn; of onrealistiese kritiese verwagtinge (perfeksionisme); of die onvermoë om te vertrou “want die Here het my teleurgestel”; of ontkenning van die beleefde pyn word sigbaar in die bitterheid; of in die afwesigheid van dankbaarheid, ander kan net nie ruimte gegun word nie; of ‘n heeltemal onverskillige houding teenoor die lewe agv die onderliggende bitterheid; of in woedeuitbarstings waardeur die bitterheid sigbaar word.

 

Verder emosionele oorsake van depressie is ook mense se reaksie op eksterne omstandighede – dinge soos ‘n vinnige oorlaaide lewenstempo en waar dan nie “nee” gesê kan word nie, of wanneer die een na die ander krisis opduik en daar nie die vermoë is om dit te hanteer nie. 

 

‘n Ander emosionele oorsaak van depressie is die verdedigingsmeganisme van werkoholisme.  Die verband tussen depressie en werkoholisme is dat die persoon handhaaf die verskriklike tempo,                                  en indien hy sou stadiger beweeg,                                             dan ervaar hy skuldgevoelens, omdat                                      hy nie alles doen wat hy behoort te doen nie. 

 

 

 

 

 

Op die lange duur kan die persoon dit dan nie meer volhou nie – die uiteinde is depressie.  Saam met die skuldgevoelens gaan ook vrees, vrees vir die gevolge van  jare se verwaarlosings van verhoudings,  en van gesondheid. 

 

 

Wat van groter belang is, is die motivering wat agter die werkoholis sit – wat genoem word die denkbeeldige innerlike stemme.  Die oorsaak van hierdie “stemme” is dikwels die onrealistiese verwagtinge wat die ouers van hierdie (gewoonlik eerste) kind van hom gehad het.  Vgl die gevolge van die druk wat die pa van Oscar Pretorius kleintyd op hom gesit het om as kind sonder bene normaal te moet funksioneer.

 

Daar is 'n stem uit die kinderjare wat soort van vir die werkoholis sê: jy is eintlik niemand – wat kan jy doen om te bewys dat jy iemand is?                                                                                                                                                                       Die werkoholis begin dan

om meer en meer te werk,

maar dan begin die stem weer sê: 

dit is goed, maar nog nie goed genoeg nie.

 

Daar is dan ook die stem wat vir die werkoholis wil laat verstaan;  jy kan doen wat jy wil, jy kan jou lewe geniet soos jy wil – dus sal ek aangaan op hierdie patroon.

Of daar is die denkbeeldige stem

van die kollegas;  jy kan nie verlof insit nie,

want wat sal van die werk word?

 

 

 

‘n Verdere verduideliking van die verband tussen werkoholisme en depressie is: 

      -daar is dikwels ‘n rebelsheid teen gesag, agv vroeëre  

        verwagtings waaraan nie voldoen kon word nie

      -indien die persoon ‘n taak ten alle koste wil afhandel (werk

       dag en nag), dan is die onderliggende idee van: ek sal hulle

       wys,  wat weer verband hou met die gevoel van

       waardeloosheid.

      -daar is ‘n styl van om nie meer om te gee vir wie ek wat sê

       nie, om al hoe meer arrogant te raak, want “net ek is  

     reg”.

      -die persoon onderdruk sy gevoelens totaal en al, dis net  

       feite en dis al.

 

Indien hierdie bose kringloop nie gekeer word nie, of die persoon nie uit die greep van hierdie drywing gehaal kan word nie, is depressie sy voorland.

 

Alhoewel dit nie hier is die stuk hoort nie, maar eerder onder die afdeling van herstel/hantering van die depressie, is dit tog sinvol om hier ook die ou Kerkvaders se voorstelling van lewensprioriteite deur te gee:

 

-rus       -          slaap               -           meditering                 -                       werk

 

‘n Verder oorsaak van depressie is verliese wat nie hanteer kan word nie.  Daar is selfs by sommige

die angs wat kan ontstaan by mense

wanneer hulle nie meer elektronies

in verbinding is met ander mense nie.

 

 

Daar is ook ‘n verband tussen onafgehandelde rou, en depressie.  Indien mense nie bereid is om die pyn in die oë te kyk (te omhels) nie, en dan bly die emosie daarvan altyd in die agtergrond – wat dan bydrae tot die vorming van depressie.

 

Daar is ook nog emosionele faktore wat depressie kan bevorder:  verliese; na binne gekeerde woede oor bv die dood van iemand; as my selfbeeld ‘n knou kry; post tramatiese stres en skuldgevoelens.

 

 

2.2   Fisiese oorsake van depressie

 

Daar is ‘n paar fisiese oorsake van depressie waarvoor opgelet moet word.

• Lae bloedsuiker.  Dit word veroorsaak deur mense se eetgewoontes, bv te veel hoë konsentraat koolhidrate waardeur ‘n groot hoeveelheid suiker (glukose) in die bloedstroom beland en wat ‘n vinnige bron van energie is (stimulant), maar wat dan na ‘n kort tydjie weer “uitgwerk” het. Dit laat dan die persoon sonder energie.  Alhoewel die lae bloedsuiker nie direk depressie veroorsaak nie, kan die op en af van energievlakke, asook die lusteloosheid en dofheid wat met lae bloedsuiker gepaard gaan, wel op die ou einde depressie veroorsaak. 

• Hart siektes.  Die vermoede bestaan dat die verlaagde bloedvloei sorg vir ‘n verlies aan lewenslus, wat dan bydra tot die vorming van depressie.

• Yster-tekort.  Die simptome vir ‘n ystertekort en depressie is wel dieselfde, maar omdat jy met die yster-tekort dieselfde moegheid en lusteloosheid ervaar van depressie, kan dit lei tot depressie.

• Slaap-apnee.  Die feit dat die persoon nie uitgerus is nie maak dat sy simptome van moedheid later kan oorsit in depressie.

• Gluten-allergie.  Omdat die liggaam nie die nodige voedingstowwe kan opneem nie, word die liggaam se vermoë om serotonin te vervaardig, beperk, wat dan weer lei tot depressie.

• Diabetes. Wanneer die bloedsuikervlak nie behoorlik beheer kan word nie, word die inname van voedingstowwe van die liggaam ook negatief geaffekteer.

• Seisoenale geaffekteerdheid.  Die lengte van die winterdae kan die produksie van melatonin negatief beïnvloed.

• Oorerflikheid.  Daar is genoeg aanduidings dat depressie in ‘n families voortgaan.

• Dehidrasie.  Te min water laat die toksiese vlakke in die

• liggaam verhoog, asook moegheid en lusteloosheid.

• Kosverslaafdheid.  Die magteloosheid wat die kosverslaafdheid bring, asook die moontlike vetsug, lei tot depressie.

• Skildklier.  Die oor- of onderaktiewe skildklier lei tot depressie.  Die simptome van onderaktiewe skildklier is juis slaaploosheid, moegheid, afplatting van serotoninvlakke.

 

               KLIK  HIER VIR DIE VERVOLG VAN DIE ARTIKEL